تبلیغات
درباره وبلاگ

آرشیو

طبقه بندی

آخرین پستها

پیوندها

پیوندهای روزانه

صفحات جانبی

نویسندگان

آمار وبلاگ


اولان اولوب، كئچن كئچیب بلكه ده،

ایندی داها كؤورلمه یین یئری یوخ.

عؤمروم بویو بئله گلیب منیم كی.

اوّلیندن بیری واردی، بیری یوخ!

 

اوزاقدایدی من ایسته ین اوجاقلار،

اوره ییمدن گلیب گئچدی سازاقلار،

آتالییدی،آنالییدی اوشاقلار،

بیزیم ائوده بیری واردی،بیری یوخ.

 

گؤزلریمه دولدورموشام یاغیشی،

بیر كؤینكده چیخارمیشام من قیشی.

شالوار-پئنجك گئیینردی تای-توشوم،

منده ایسه بیری واردی، بیری یوخ.

 

اوزوم گولدو طلبه یم دئینده،

سیخیلیردیم دوست پئنجه یی گئینده.

معلّمله دیل تاپا بیلمه ینده

قیمتمین بیری واردی، بیری یوخ.

 

بقیه در ادامه مطلب

قلبیم یاندی ایلك سئوگیمدن،عشقیمدن،

دارا دوشدوم،ال اوممادیم هئچ كیمدن

مجلسلرده جان دئییب، جان ائشیدن

دوستلاریمدان بیری واردی، بیری یوخ.

 

من اوردویا نه لر گؤروب گئتمیشدیم،

اوره ك آلیب، اوره ك قیریب گئتمیشدیم.

ایكی قیزا كؤنول وئریب گئتمیشدیم،

قاییداندا بیری واردی، بیری یوخ.

 

اوزاق گزدی عمی، دایی، بی بی لر،

سؤز آراسی منه "ائولن"دئدیلر

نیشان اوچون ایكی شئی ایسته دیلر

منده ایسه بیری واردی، بیری یوخ.



واخت گله جك، بو گونو گؤره جك سن،

چوخ سوالا گؤزونو دؤیه جك سن.

واخت گله جك سن اؤزون دئیه جك سن

دئیه جك سن:«بیری واردی، بیری یوخ!»

                    
                  نصرت كسمنلی

نوشته شده توسط :اونوتموش اونوتولموش
دوشنبه 20 آبان 1392-10:12
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر